नेपाली कांग्रेसका नेता डा. सुनीलकुमार शर्माको काठमाडौँ मेडिकल कलेज पब्लिक लिमिटेड (केएमसी) को स्वास्थ्य टोलीले काठमाडौँको गोकणेश्वरमा निःशुल्क स्वास्थ्य शिविर गरेको छ ।
केएमसीको प्राविधिक सहयोगमा काठमाडौँको गोकणेश्वर १ चिलाउनेमा बृहत निःशुल्क स्वास्थ्य शिविर भएको हो ।
पूर्व सांसद सन्तोष चालिसेको समन्वय र श्याम अधिकारीको सहकार्यमा भएको शिविरमा ५ सय २४ जनाको परीक्षण गरेको केएमसीका प्रबन्धक एवं प्रमुख प्रशासकीय अधिकृत नारायणप्रसाद दाहालले जानकारी दिए ।
शिविरमा ७८ जनाको ल्याब परीक्षण, ६६ जनाको भिडियो एक्सरे, ५९ जनाको ईसीजी गरिएको थियो ।
३ जनाको दाँत झिकिएको थियो भने १४ जनालाई थप उपचारका लागि केएमसीमा रेफर गरिएको छ ।
डा. शर्माले सम्हालेपछि केएमसी र नोबेलले सेवा सुविधा थपेको छ भने सामाजिक उत्तरदायित्व अन्तर्गत देशका विभिन्न भागमा पुगेर निरन्तर निःशुल्क स्वास्थ्य शिविर गर्दै आएको छ ।
