काठमाडौं– जलवायु परिवर्तनले पारेको प्रभाव न्यूनिकरणका लागि विश्वब्यापी साइकल यात्रा लिएर शुभप्रसाद शर्मा मलेसिया पुगेका छन् । पूर्व एडिभिजन लिगका खेलाडी र कुनै बेलाका काठमाडौंका जनप्रतिनिधि समेत रहेका शर्मा साइकल मार्फत भारत, बंगलादेश, थाइल्याण्डको यात्रा पूरा गरेर मलेसिया पुगेका हुन् ।
पाकिस्थान हुँदै अन्य दक्षिण एशियाली मुलुक भ्रमण गर्ने योजना तय भएपनि सैनिक शासनको कारण म्यानमार र कोरोना बढेपछि पाकिस्थान जान नपाएका शर्माले रूट परिवर्तन गरी थाइल्याण्ड हुँदै मलेसिया पुगेका हुन् । उनले पुनः मेलियासा हुँदै १५ देशको भ्रमण तालिका तय गरिसकेका छन् ।
शर्माले भ्रमणका क्रममा वृक्षारोपण गर्ने र सम्बन्धित सरोकारवालासँग अन्तरक्रिया गर्ने लगायतका कार्यक्रम पनि गरेका छन् । उनले भारत र बंगलादेशमा पाँच सय विरूवा रोपेका थिए भने स्कुले बालबालिका जलयावु परिवर्तनका बारेमा जानकारी गराएका थिए । गएको बैशाख १ गतेबाट शुरू भएको शुभयात्रा विश्व साइकल अभियान ५ देखि ७ बर्षभित्र पूरा गर्ने लक्ष्य शर्माले राखेका छन् । व्यक्तिगत रूपमा गरेको आम्दानी र साथी सहयोगमा यात्रा गरिरहेका शुभले आफ्नो अभियान सफल बनाउन सबैस“ग सहयोगका अपिल समेत गरेका छन् ।
