नेकपा माओवादी केन्द्रको स्थायी कमिटी बैठक पार्टी मुख्यालय पेरिसडाँडामा बसिरहेको छ ।
आसन्न राष्ट्रिय सम्मेलन, संगठन सुदृढीकरण लगायतका विषयमा छलफल गर्न बैठक बसेको अध्यक्ष पुष्पकमल दाहाल प्रचण्डको सचिवालयले जनाएको छ । साथै सरकारका कामकारबाहीका बारेमा पनि बैठकमा छलफल हुने भएको छ ।
एमालेसँग एकीकरणपछि निष्क्रिय रहेको पार्टी संरचनालाई ब्युँताउँदै संगठन सुदृढीकरण गर्ने क्रममा माओवादी छ । सोही क्रममा माओवादी केन्द्रले पुस ११ गतेदेखि १३ गतेसम्म राष्ट्रिय सम्मेलन गर्दै छ ।
