केहीदिन अघि मात्रै माधव नेपाल नेतृत्वको एकीकृत समाजवादीमा प्रवेश गरेका नेता प्रदीप नेपालले पार्टी परित्यागको घोषणा गरेका छन् । माधव नेपालले आफूलाई धोका दिएको भन्दै उनले पार्टी त्यागेको घोषणा गरेका हुन् ।
जनताको बहुदलीय जनवाद अंगिकार नगरे नाम नलेख्न आफूले आग्रह गरेको तर, माधव नेपालले धोका दिएको उनको भनाइ छ । सोमबार सामाजिक सञ्जाल फेसबुकमा स्टाटस लेख्दै प्रदीप नेपालले एकीकृत समाजवादी त्यागेर केपी ओलीसँग भने नजाने उल्लेख गरेका छन् । केपी ओली तानाशाही भएका कारण उनको पार्टीमा जान नसकिने नेपालको भनाइ रहेको छ ।
